قصة واقعية

السلام عليكم
اشحالكم خواتي

انقل لكم هذه القصه الواقعيه التي كتبتها صاحبة هذه القصه وهي لاخت انـــ حزينه ــثى في احد المنتديات ومانقلت هاذه قصه اله بعد موفقتهاااااااااااا
ملاحظه :- سوف اروي قصتي مع الرجاء من الجميع بدون اي شتم او تجريح او قسوه
لان ماحصل لي ( كفا ووفا ) وترك ندب في قلبي لم ولن ينتسى


وكل قصدي منها اخذ العضه والعبره والدعـــــاء لي .......
**************************************************
*****************************************
****************************
عندما كنت طفله كنت فتاه جميله تسكن قريه جميله تحمل كل ماتعنيه الكلمه من


براءه متفوقه في الدراسه محبوبه لدى الجميع كورده بدات تكتمل وتتفتح اوراقها ورقه ورقه


بقيت متقدمه في المدرسه وبقيت الفتاه الوحيده في العائله مع اخوين اخي الكبير(ي)


واخوي الذي اصغر منه يكبرني بثلاث سنوات (ك)


بدئت قصتي عندما وصلت مرحلة الاول ثانوي عندما تزوج اخي الكبير(ي)


كانت حفلة زواج متواضعه تجمع اهل القريه والقرى المجاوره وقليل من الاقارب الذين


في المدينه لان ابي رحمه الله كان رجلا طيبا ومعروفا جاءت ام صديقتي وهي


زوجة احد اقاربنا تراها امي في المناسبات ارتاحت ام صديقتي وزوجة قريبنا لامي


وحبت تتعرف عليها وفعلا دعتها بعد زواج اخي بعدة ايام عندها فالبيت وذهبت معها


وهنا بداءت الكارثه اللي مستحيل انساها او تنمحي في يوم من الايـــــــــام.......
دخلت انا وامي كان بيت صديقتي (هـ ) جميل بوسط مزرعه كبيره ولكنها لم تكن بحجم جمال بيتنا اومزرعتنا وجلست امي عند ام (م)
واخذتني صديقتي ( هـ ) لنتمشى في المزرعه
مشينا فيها ولعبنا ببركة الماء وقطفنا الفواكه والزهور
وعندما قرب المغرب وبدءت تغيب الشمس لم اكن اعلم انها بداية غياب شمس حياتي
رجعنا للمنزل واول مادخلنا واذا بشاب يقابلنا عند الباب كان خارجا
لم اكن اعلم بوجود احد بس تقابلنا بالصدفه انا ارتبكت وحاولت اغطي وجهي واعطاني ابتسامه صغيره وطلع
دخلت وجلست مرتبكه وخايفه وافكر بالابتسامه القاتله
جاءت (هـ) وشافتني مرتبكه قالت ماعليك عادي هذا اخي (م)
والموضوع ماراح يطلع لاحد لاننا نتبع عادات وتقاليد وانا من
اسره محافضه ولو علم احد اخواني او امي لكانت كارثه
رجعنا للمنزل وكان قلبي مشغول بتلك الابتسامه جئت لانام وافكر
وافكر
ذهبت ثاني يوم للمدرسه وقابلت صديقتي (هـ) قالت لي ترى مااحد
درى بالسالفه وسرك في بئر

بس اخوي (م) يقول انك ماشاء الله حلوه وتستحين

وفرحت انا بكلامه

بعدها بعدة ايام في المدرسه فتحت (هـ) مره اخرى موضوع اخوها
اللي مازال يشغل بالي

قالت لي وش رايك بـ (م) قلت ماشاء الله عليه الله يخليه لكم

قالت هو قال لي وصلي سلامي لـ (ر) اللي هي انا

انا كاني ماصدقت حسيت اني بطير من الفرحه >>> اعوذ بالله من الشيطان وساعته
وقلت بكل حياء الله يسلمه وصل لي له سلامي

واروح للبيت طايره من الفرحه

وثاني يوم قابلتها قالت معاي لك شي قلت لها وشو قالت هاذي من
اخي (م) واذا بورقه
واخذها واجلس واقراها كانت مليئه بالكلام المعسول الشيطاني

وسحرتني مثل السحر
وطالب بالاخير رد على الرساله

واتردد في الرد عليها واكتب له الرد اللي ياليت يدي انشلت
ولاسوت كذا

بعت ابوي بعت امي بعت اخواااااااااني كلهم


وبدءت قصة عشقي المميته........
كتبت له بيدي الرساله اللي ياليتني ماكتبتها
رديت عليه مثل ماهو كاتب لي اني حتى انا تعلقت فيه من النظره
الاولى وحبيته وبنيت احلامي عليه
وماكنت ادري انه كان يبيني لمبتغى في نفسه


استمرت المراسلات بيني وبينه عن طريق اخته وقربت العطله

وكل يوم خطيب يطرق باب اهلي وانا ارفض لاجله

وابوي رحمه الله كان مايرفض لي طلب بما اني اخر العنقود
ووحيدة البنات مادرى اني بكون سبب وفــــــاته ااااااااااااااااااااه

ياالالم يعصر قلبي

جاءت العطله وطلب مني اقابله في المزرعه لاول مره فوافقت
وحددنا موعد للقاء عن طريق (هـ) وتقابلنا
كنت حبه بجنون ماارفض له اي طلب اعشقه عشق
لحد اني مااصدق عليه اي كلام ينقال
استمرت مقابلاتنا واستمرت العلاقه المشئومه والحب المشوه
كان يطلب مني اشياء وانا ارفض اسويها بدافع اني مازلت بنت

ماكنت ادري انو هذا غرضه وهدفه اللي يسعى له

كان يقول لي انه في اشياء بطرق اخرى نسويها حتى لو انك بنت وماتظرك

وانا كنت اوافق كالمجنونه البلهاء الغبيه اااااااه
استمرت علاقتي به ثلاث سنوات تقريبا وكان يعدني بالزواج اول مايحصل على الوضيفه

وانا كنت ارفض جميع الخاطبين لي مع انه بقريتنا البنات يتزوجون

وهم صغار وانا كنت ارفض بقووه لاجل فارس احلامي اللي دمرته
ودمرني

بدءت دوامة الحب تدمرني الورده التي كانت تتفتح بدءت بالذبول
بدء مستواي الدراسي يتراجع لانشغالي وبدءت حياتي بالتدهور

كبرت وكبر معي حبي له اقصد عشقي له
في مره اجتمعنا مع بنات القريه واذا وحده تسولف
انها شافت (م) مع وحده من البنات تقابلو في المزرعه
بنفس المكان اللي نتقابل فيه
ولم اصدق وواجهته في الكلام وهو انكر انه قابلها وقال لي انه هذا كلام عذال ماقصدهم الا يفرقونا وبس

وانا احبك وانا وانا ....

ورجعت للي قالت لي الكلام عنه وعن البنت اللي تقابله وقلت لها هو انكر وانتي كذابه

قالت ياحبيبتي انا ماابي الا مصلحتك واعرفي ان هذا لعب عيال
وكله كذب في كذب

وانا مصـــره على انها كذابه

قالت اذا مو مصدقه بواجهك في البنت اللي يقابلهاووافقت

عشان اثبت لها انها كذابــــــــه وانه مو لعب الا حب وحب صادق بعد

وتقابلنا انا و(ع) وتواجهنا بالكلام قالت انه يحبها وتحبه ويقابلها وتقابله

وانهم يحبون بعض وبيتزوجون بعد
وشفت رسايله لها الا بعضها تشبه رسايلي اللي يرسلها لي فيها
نفس الاشعار والكلام
وجهي طلع الـــــوان واكتشفت انا وياها اننا عايشين بدوامه من
الكذب والخداع

وانا بعدها وانا احاول انساه لاني كنت متعلقه فيه لدرجة الجنون
وبعد الحادثه هاذي ويجي واحد من المدينه ويخطبني وانا اوافق على طووول

منها انتقام ومنها نسيــــــــــــــــان
تزوجت (س) اخذنا المدينه اللي ماكنت تبعد كثير عن القريه عشنا

انا وياه في بيت كبير وحلو بس كان ينقصه القليل من الحب من طرفي

عشت معه يحترمني يوفر لي كل متطلباتي وكل ماامر فيه
كانت وضيفته كبيره وراتبها اكبر عشت تقريبا نفس المستوى اللي

كنت اعيشه في بيت اهلي بس ارفع بما اني في المدينه

كنت ازور اهلي بس مااطول عندهم تقريبا اجي يوم واليوم الثاني

ارجع بيتي قصدي اللي كان بيتي
مرت الايام ومازلت افكر بـــ (م) ولم اقدر على نسيانه حسيت انه

ترك شي في قلبي ماقدرت اني انساه او اتجاهله

مشت حياتي مثل ماتمشي حياة اي بنت متزوجه ادير منزلي
واسافر مع زوجي

اللي كان متحمل كل قسوتي وكان يحبنـــــي ويعاملني بكل لطف
وحنان بس ماكنت استاهل كل هــــــذا الحب

لان قلبـــي كان معلق بشخص غيره

ومره طلبت منه يوديني اهلي ورحت انا وياه وجلسنا يومين هناك

الا وانا طالعه والاقي (م) يمشي من قدام مزرعتنا ويناظرني مع

زوجي بنظرات حقد او حزن ماقدرت افهمها واروح بيتي وافكر فيه

وبنظراته هل هي حاقده او بيسوي كذا او بيفضحني قدام زوجي

واخاف ونفسيتي تتعب

وقلت لزوجي يوديني اسبوع عند اهلي فكرت اني اعرف وش ناوي
عليه واذا في شي اني اتصرف قبل لايطيح الفاس بالراس



وفعلا رحت لهم اسبوع وجت اخته (هـ) قالت لي انو (م) بيقابلك

قلت لا وكيف انا متزوجه واللي بيني وبينه انتهى قالت هو يبيك
ظروري

ومن دافع الفضول والخوف اللي متمكلكني وافقت
وتواعدنا وشفته وجلس يحلف لي انا احبك وانا ماقدرت اعيش من دونك وانا كنت بتزوجك

وانتي اي شي تصدقينه علي انا (م) اللي ماحبيت غيرك وجلس يبكي

مادريت انه لما شافني تزوجت جلس يرسم على اشياء اكبر من

اللي كنا نسويها اول
وبكيت معه ورجعت علاقتنا مثل اول
وجا زوجي واخذني وبديت اتغير شوي شوي بديت ارفض منه اي شي
مااخليه يلمسني وهو صابر ومتحمل عشان وحده ماتستاهل وبقينا اسبوعين اوثلاث على هالحال

وبعدها بشهر او اكثر تعب ابوي ووداني لاهلي

وشفت ابوي الله يرحمها ويغفر له وعلى اساس انه زوجي يجي
ثاني يوم ياخذني من عند اهلي وجبت معاي تحليل للحمل من دون لايدري لان الدوره تاخرت اسبوع وانا خايفه اني اطلع حامل

وفعلا طلعت حامل وماعلمت احد
وثاني يوم تواعدنا انا و(م) وتقابلنا وجلسنا نسولف

وجلس يقولي تطلقي منه وش تبين فيه انا اللي احبك وانا اللي بتزوجك

قلت له انا حامل قالي عادي نزلي الولد مااحد يدري

وجلس الشيطان يوسوس في راسي

وفجاءه كنا نسولف ونضحك الا اخوي (ك) الله يرحمه شافنا من بعيد
ويجي علينا ويمسكنا ويطقني ويهرب (م) ويمسكني ويطقني طق
بحياتي ماانطقيته وقال لي لااحد يدري حتى الوالده قولي اني طحت
اواي شي ورجعني البيت ووجهي الوان من الضرب وتشوفني الوالده
واقولها اني طحت واروح ادخل الحمام الا بمغص رهيب قطعني

الا وينزل مني دم سقطت الولد من الضرب

ويتصل اخوي(ك) بزوجي ويقوله انه يبيني اجلس معهم اسبوع بعد

علشان نروح نزور خالتي في القريه اللي جنبنا قال خلاص وهو

كل قصده علشان مايشوف زوجي اثار الطق ويشك

وجا اخذني بعد اسبوووووووع.........
رجعت انا وزوجي للبيت

بدءت اتغير شوي شوي صرت اطفشه اصرخ عليه ادور اتفه الاسباب

عشان اغيضه واقهره

حاولت بشتى الطرق اني اطفشه او اني اتطلق منه لكن بدون جدوى

لان بالـــــــه وسيع وروحه طويـــــــله (ااااااااااااااااه ياالقهر)

حاولت وحاولت وحاولت انه يطلقني وكل محاولاتي باءت بالفشل لانه متعلق فيني وماوده يطلقني لاحترامه وحبه لابوي واخواني

كان كل اللي يقوله الله يهديـــــــك ويطلع

صرت مااخليه يلمسني اكثر من اول ولااخليه يتفاهم معي انا في غرفه وهو بغرفه

وهو يحاول انه يتكلم معي يبـي يعرف اسبابي وانا مااترك له مجال

الا ان جاءت عندنا امه من منطقه ثانيه لزيارتنا لمدة شهر

لقيت انه يغلي امه ويعزها بقووووه ومايتحمل اي كلمه عليها

حطيت الهدف قدامي قلت ماالي الا هي تخلصني منه (الله يسامحني ويتوب علي)

كانت اي طلب تطلبني اياه اجيبه لها من دون نفس واكلمها بقسوه

وارفع صوتي عليها ومااجلس عندها كثير

وهي ماكانت تشكي لزوجي اوتقوله اي شي ومره جا زوجي من

الدوام وكانت جالسه لحالها قالها وين (ر) قالت له دخلت بالغرفه من شوي

واانا بالاساس ماجيتها ولا سلمت عليها طوال اليوم

دخل قال وش تسوين قلت له جالسه بغرفتي قال وينك عن امي جالسه لحالها

قلت خلها لحالها اصلا انا مااطيقها ولااطيق شوفة وجهها اللي مثل

القرد جتني وخربت علينا حياتنا صرنا مانقدر نجلس حتى مع
بعض

مادريت الا ويجيني كف على خدي

قال امي هذا اشرف منك ياللي ماتربيتي انا صابر عليك ومتحمل عشاني احبك بس انتي ماتستاهلين ولامتى انا وانتي جلسنا مع بعض صار لنا تسع شهورببيت واحد مـ كانا زوجين

وتطاولنا انا وياه بالكلام لين مانطقها >>>>>>> انتي طالق

وجات امه عند الباب وسمعته وتجلس تبكي وتقول انا السبب انا السبب

مادرت انها كانت اداه وما كانت السبب باي شي

نزلت علي الكلمه بكل برود

رحت لميت اغراضي وملابسي وحطيتهم بشنط

ووداني بيت اهلي

وماانسى كيف كان شكل ابوي وامي واخواني عند سمااااااااع الخبر

ااااااه يالندم
بعد الطلاق اصرت ام (س) انها ترجعني لولدها
لانها حست انها هي المذنبه بهاذا الشي
حاول وحاول انه يرجعني وانا ارفض بقوه وضحيت فيه من اجل

(م) تطلقت وجلست عند اهلي قرابة السنه وانا في انتظار ان (م)
يخطبني صار اخوي (ك) يراقبنــي بشده ويضيق علي
خوفا من اني اتقابل مع(م)بعد ماتطلقت
كنت ادبر انا وياه لقاءات من دون لايدري اخوي رحمه الله ومن
وراه

كنت اسوي المستحيل عشان اقابله وكان يطلب مني اشياء واسويها له (((( يارب اغفر لي يارب اغفر لي ))))

سمعت بعد سنه ان (س) تزوج دعيت له بالتوفيق وماحسيت اني مهتمه له لانه مايعني لي اي شي بوجود (م) بحيـــــــــــــاتي

مرت الايام واستغليت فرصة ذهاب اخوي (ك) للمدينه لزيارة اخي الكبير وبحث عن وضيفه وانا مازلت اتقابل مع (م) ونسوي اشياء محرمه عند الله
كان يمارس معي علاقه غير شرعيه دائما وانا موهومه باسم الحب موهومه بشي اسمه عشق نسيت ربي
بعت ابوي وبعت امي واخواني

نسيت حنان ابوي وعطفه ودفاعه عني دائما

نسيت حب امي وسهرها علشاني

نسيت اخواني ومعاملتهم لي وثقتهم فيني

خنت كل هالاشياء

خنت اهلي وانا بالواقع خنت نفسي وخدعتها




يااااااااااااااااااااااااااااااااااااااااااااااااا اااااااااااااااربي انك تتوب علينا

في يوم من الايام وبعد طلاقي بسنه ونص او اكثر بقليل

طلب مني (م) طبعا عن طريق اخته اننا نتقابل قلت لها مااقدر

امي صارت دايم تسال وراي وتستغرب انا ليه انا دايم ماسكه عبايتي وطالعه

قلت لها تدرين بكتب ورقه واعطيها لــــ (م)

كتبت فيها انو الليله بعد ماينام ابوي وامي بنتقابل بالمجلس مثل الملحق في المزرعه

وحددت له الساعه واعطيتها الورقه
وعلى موعدنا بعد ماناموا اهلي رحت وطلعت في المجلس اللي برا
وجا (م) وجلسنا نتكلم ونسولف قلت له يالله روح لاحد يشوفك اخاف ابوي يصحى ولاشي

قال قبل صلاة الفجر بساعه بروح خلينا نسهر الليله مع بعض

مادرى ان هاليله بتكون نهاية حياتي وحياتــــــــــه وحياة اشخاص
اخرين معنا مالهم اي ذنب

تسلم ايدك ضحكه ملاك

والله تعبت من القرائه

بجد تسلمى

يسلموووو
حسبي الله ونعم الوكيل